by Grupo 76Receitas de verán sen forno: fáciles, frescas e con moito ovo Demillo
Cando chega a calor, só queres dúas cousas: comer ben e non acender o forno.
Por iso, preparamos unha selección de receitas de verán sen forno, fáciles, frescas e con moito sabor. E como non podía faltar, todas levan ovos Demillo, o toque galego que converte calquera receita sinxela nun prato de dez.
Tanto se buscas receitas rápidas para o día a día, como se queres sorprender cun petisco máis elaborado, aquí tes 8 ideas perfectas para o verán.
Receitas frías de verán fáciles e sen forno
1. Salpicón de polbo e lagostinos
Unha receita galega de toda a vida que triunfa en calquera mesa de verán. O salpicón combina polbo, lagostinos, pementos e cebola, todo ben aliñado con aceite de oliva virxe extra e vinagre. Fresco, mariño e con moito sabor.
Ver receita completa de salpicón de polbo e lagostinos
2. Ovos recheos de guacamole
Uns ovos recheos orixinais e frescos, con guacamole caseiro e ovo Demillo como protagonistas. Perfectos para unha cea lixeira ou para un petisco con amigos.
Aquí che deixamos a receita completa
3. Ensalada de pasta, ovo cocido e surimi
As ensaladas frías de pasta son o comodín do verán. Aquí propoñémosche unha combinación gañadora: pasta fría, ovo cocido Demillo e surimi (paus de cangrexo). Aliñas co que máis che guste e listo.
Descubre a receita paso a paso
4. Sándwich de ensalada de ovo
Un clásico americano que aquí adaptamos con ovo galego. Mesturas o ovo cocido con maionesa e mostaza, servelo entre pan e tes un sándwich cremoso, saboroso e súper fresquiño. Ideal para levar á praia ou ao traballo.
Aquí tes a receita completa
Receitas fáciles de verán con tixola (¡sen forno!)
5. Croquetas de ovo duro e xamón
As croquetas non precisan forno, só un intre na tixola. Estas son diferentes ás clásicas: o recheo cremoso de ovo duro e xamón serrano dálle un toque especial. Perfectas como entrante ou para acompañar unha ensalada.
Aquí tes a receita paso a paso
6. Bocadillo de tortilla de sardiñas con pementos
Un bocadillo moi galego e saboroso, perfecto para os días de praia. Prepara unha tortilla con ovos Demillo, engade sardiñas en conserva e pementos asados, e terás unha merenda potente e deliciosa.
Descubre como preparalo aquí
7. Xudías verdes con xamón e ovo cocido
Unha receita lixeira pero chea de sabor. As xudías verdes ao vapor combinadas con xamón salteado e ovo cocido Demillo son o prato perfecto para unha comida de verán sen complicacións.
Aquí che deixamos a receita completa
8. Ovos parvos
Os ovos parvos son unha receita tradicional que nunca pasa de moda. Con ingredientes sinxelos como pan, ovo Demillo e allo, podes preparar un prato humilde pero delicioso. E como non leva forno, é ideal para o verán.
Aprende a preparar ovos parvos
Receitas de verán fáciles, rápidas e deliciosas
Como ves, preparar comidas de verán sen forno non ten ningún misterio. Só precisas bos ingredientes, un pouco de imaxinación e receitas como estas, que podes facer en menos de 30 minutos.
Queres máis ideas? No noso recetario atoparás máis receitas frías, pratos tradicionais galegos e outras propostas perfectas para o verán:
Descubre máis receitas Demillo
Anímaste a preparalas?
Se te animas a probar algunha, cóntanos en redes sociais co hashtag #FágocheUnOvo.
En Demillo facemos receitas de verdade, con sabor, con tradición e con ovos galegos de calidade. Porque comer ben non ten por que ser complicado.