Sabías que o ovo pode potenciar a túa memoria e a túa concentración? Grazas a todos os nutrientes que contén, o ovo é un magnífico aliado para o funcionamento do teu cerebro.

Como xa falamos noutras ocasións, o ovo é un súper alimento e achega moitos beneficios para a nosa saúde. E un deses beneficios é para o noso cerebro, xa que favorece a memoria e a concentración.

Alto contenido en colina

Como xa che contamos neste post, a colina é un nutriente esencial para o noso corpo, mesmo desde antes de nacer. E un dos alimentos máis ricos en colina é o ovo. Este nutriente é fundamental para a produción de aceitilcolina, un neurotransmisor moi importante para o desenvolvemento do cerebro e a memoria, que axuda a previr o Alzehimer e a demencia senil. Ademais, contén unha substancia que mantén novas as membranas celulares (fosfatidilcolina).

Fonte de Omega-3

Os ácidos graxos omega-3 son moi importantes na infancia, adolescencia e idade adulta. Favorece ao desenvolvemento das funcións cognitivas dos nenos, axudando ao desenvolvemento mental e á mellora na aprendizaxe. Ademais, contribúe a manter o funcionamento normal do cerebro.

Existen estudos que confirman que o omega-3 é beneficioso para os tratamentos das persoas con TDAH e contribúen á prevención de enfermidades neurodivergentes asociadas ao envellecemento.

A luteína como neuroprotector

O ovo tamén ten un alto contido de Luteína. Este antioxidante funciona como un magnífico neuroprotector. Neste estudo explícanos moi detalladamente que os altos contidos de luteína permiten que as células sexan máis resistentes e diminúen as posibilidades de desenvolver demencia.

Vitaminas do grupo B

As vitaminas B6 e B12, tamén presentes no ovo, son esenciais para contribuír a axudar a nutrir a mente. As vitaminas do grupo B reducen os niveis de homocisteína, un composto que en exceso pode danar as neuronas e aumenta o risco de deterioración cognitiva. Ademais, estas vitaminas aumentan a produción de serotonina e dopamina, que inflúen no estado de ánimo e na memoria.