by Grupo 76As sobremesas de Nadal que non poden faltar na túa mesa
O Nadal é tempo de compartir, celebrar e encher a casa de arrecendos doces. En Demillo preparamos unha selección de sobremesas tradicionais que sempre triunfan e que, ademais, gañan moito cando se elaboran con ovos de calidade.
Figuriñas de mazapán
As figuriñas de mazapán son un clásico delicioso que dá comezo ao Nadal con ese sabor inconfundible a améndoa. Son perfectas para acompañar un café ou para ofrecer como pequeno detalle despois dunha boa comida. A súa preparación é moi sinxela, ideal mesmo para quen está empezando na repostería, e resulta curioso lembrar que este doce leva séculos presente na gastronomía europea, tamén en Galicia. Podes preparar a receita paso a paso seguindo esta guía.
Ingredientes: 2 ovos Demillo, 500 g de améndoa moída, 500 g de azucre glass.
Tempo total: 50 min — Dificultade: Principiante.
Ponche de ovo
O ponche de ovo enche a casa dun arrecendo totalmente navideño. É cremoso, suave e pódese preparar con ou sen alcohol, polo que encaixa en calquera celebración. A súa elaboración require un pouco de coidado para que a mestura non ferva, pero é sinxela e moi agradecida. Noutros países é un símbolo tan típico como aquí o roscón. Se queres preparalo na túa casa, tes a receita completa dispoñible aquí.
Ingredientes: 2 ovos Demillo, 120 ml de nata líquida, 130 ml de leite, 55 g de azucre, 50 g de azucre avainillado, 1 pau de canela, 20 g de canela en po, 200 ml de coñac (opcional).
Tempo total: 50 min — Dificultade: Intermedio.
Flan de turrón
Este flan é cremoso, lixeiro e perfecto para aproveitar o turrón brando que adoita quedar polas casas no Nadal. É unha sobremesa suave, perfecta para rematar comidas abondosas sen resultar pesada. A súa elaboración é doada, cun baño María e algo de repouso na neveira. A receita completa podes atopala en este enlace.
Ingredientes: 5 ovos Demillo, 200 g de turrón brando, 80 g de azucre, 600 ml de leite, herba luísa, framboesas, 200 ml de nata para montar, auga.
Tempo total: 1 h 15 min — Dificultade: Intermedio.
Mousse de turrón
A mousse de turrón é unha sobremesa lixeira, doce e moi suave, ideal para preparar con antelación. A súa textura delicada require algunha mestura coidada, pero o resultado é sempre espectacular. A orixe da mousse está en Francia, onde inicialmente se elaboraba só con chocolate, pero o uso do turrón converteuna nunha versión totalmente irresistíbel. Podes ver todos os pasos en esta receita.
Ingredientes: 4 ovos Demillo, 250 g de turrón brando, 50 ml de leite, 2 culleradas de azucre, 12 barquillos, framboesas, follas de menta.
Tempo total: 1 h 45 min — Dificultade: Intermedio.
Roscón de Reis
O roscón é a sobremesa máis esperada do Nadal. O seu arrecendo a laranxa e auga de azahar enche a casa de tradición, e o momento de repartir as sorpresas da peza garda sempre risas aseguradas. A súa elaboración é laboriosa debido aos tempos de levado, pero o resultado caseiro é incomparable. Se queres facelo ti, podes seguir a receita completa aquí: Roscón de Reis casero.
Ingredientes: 3 ovos Demillo, 650 g de fariña de forza, 30 g de lévedo fresco, 250 ml de leite, 150 g de azucre, 120 g de manteiga/margarina, 2 laranxas, 3 culleradas de auga de azahar, 1 pizca de sal.
Decoración: 2 xemas Demillo, froitas escarchadas, azucre, auga de azahar (ou auga).
Tempo total: 4 h 30 min — Dificultade: Avanzado.
Panettone
O panettone é perfecto para quen goza das masas esponxosas e aromáticas. A súa miga, chea de froitas e pasas, convérteo nunha sobremesa ideal para almorzos e merendas festivas. Requírese paciencia e fermentacións longas, pero o resultado paga a pena. Se queres preparalo seguindo unha receita tradicional, podes consultar esta elaboración paso a paso.
Ingredientes: 200 g de azucre, reladura de laranxa, 1 culleradiña de vainilla, 1 cullerada de mel disolta en 2 de leite, 30 g de lévedo fresco (ou 10 g seco), 4 ovos e 4 xemas Demillo fríos, 220 g de manteiga fría, 600 g de fariña de gran forza, 5 g de sal, 200 g de froitas escarchadas, 150 g de pasas hidratadas, 200 g de masa nai sólida.
Tempo total: 1 día — Dificultade: Experto.