Tarta de San Martiño
Descripción
O 11 de novembro celébrase o San Martiño, patrón da cidade de Ourense. Unha celebración que, como sempre en Galicia, vívese especialmente na mesa, con produtos de tempada. E unha das receitas máis icónicas e tradicionais deste día é a Torta de San Martiño, un delicioso biscoito elaborado cunha das raíñas do outono: a castaña. O sabor e a textura desta sobremesa son inigualables.
Ingredientes
Elaboración
-
Empezamos cocendo as castañas. Pelámolas e poñémolas nun cazo con auga e un chisco de sal. Deixámolas cocer uns 45 minutos ata que estean brandas. Retirámolas do lume, escorrémolas e deixamos que amornen un pouco para retirarlles a pel interior.
-
Nun bol mesturamos as castañas cocidas co leite e batemos para obter unha crema homoxénea. Reservamos.
-
Noutro bol, mesturamos a améndoa moída, a fariña e o fermento. Reservamos.
-
Separamos as claras das xemas e batemos as claras a piques de neve cun par de cullerada de azucre e un chisco de sal. Reservamos.
-
Agora mesturamos a manteiga, que debe estar branda, e o azucre. Cando estean ben integrados, engadimos as xemas dos ovos e integramos todo de novo.
-
Engadimos a crema de castañas á mestura anterior e mesturamos todo ben.
-
Incorporamos agora a mestura de améndoa e fariña en dúas quendas. Poñemos a metade, mesturamos ben, engadimos a outra metade e integramos ata obter unha masa homoxénea.
-
Por último, incorporamos as claras a piques de neve, tamén en dúas quendas, e integrámolas con movementos envolventes.
-
Forramos un molde para o forno e vertemos nel a mestura. Enfornamos os primeiros 15 minutos a 180 graos e logo uns 30 minutos máis a 170 graos (comproba picando cun escarvadentes que sae seco).
-
Deixamos arrefriar uns 30 minutos, desmoldamos e decoramos con azucre glass por encima. Podes completar a decoración escribindo San Martiño sobre o azucre ou con sirope de chocolate.
